Foydalanish shartlari

Xizmat nima qiladi

Izchil — shaxsiy tartib yuritish vositasi: vazifa, odat, maqsad va kirim-chiqim bir joyda. Telegram bot va veb-panel bitta bazani baham ko'radi.

Xizmat maslahat beradi va eslatadi, lekin majburlamaydi. Oxirgi qaror har doim sizniki.

Xizmat nima qilmaydi

Ba'zi narsalarni ochiq aytib qo'yish to'g'riroq:

• Tibbiy, moliyaviy yoki huquqiy maslahat bermaydi.
• Bankka ulanmaydi, sizning nomingizdan to'lov qilmaydi.
• Diniy hukm chiqarmaydi. Namoz vaqtlari astronomik hisob asosida ko'rsatiladi va mahalliy taqvimdan bir necha daqiqa farq qilishi mumkin.
• Uzluksiz ishlashni kafolatlamaydi: xizmat bepul va bitta serverda ishlaydi.

Hisob va kirish

Hisob botda yaratiladi, veb-panel yangi hisob ochmaydi. Kirish Telegram Login orqali — parol yo'q, shuning uchun Telegram hisobingiz xavfsizligi bu yerda ham hal qiluvchi.

Hisobingizdan boshqa odam foydalanayotganini sezsangiz, botda hisobni o'chirib, qaytadan boshlashingiz mumkin.

Sizning yozuvlaringiz

Kiritgan matningiz sizniki bo'lib qoladi. Biz undan mahsulotni yaxshilash uchun ham foydalanmaymiz: hech qanday model o'qitilmaydi, yozuvlar tahlil uchun boshqa joyga ko'chirilmaydi.

O'zgarishlar

Shartlar yoki maxfiylik siyosati o'zgarsa, sahifadagi tahrir sanasi yangilanadi. Muhim o'zgarish bo'lsa bot ham xabar beradi.

Savol qolsa

Botga yozing — @Izchiluzbot. Javob o'sha yerdan keladi.